Ordu.az xəbər verir ki, bu barədə Ermənistanın “Joğovurd” nəşri yazıb.

“Mənbələrimiz bildirir ki, həm hakimiyyət daxilində, həm də müxalifət daxilində ciddi narahatlıq var ki, heç bir qüvvə nəinki konstitusion çoxluq qazanmayacaq, hətta təkbaşına hakimiyyət formalaşdıra, yəni seçicilərin 50+ faiz səsini toplaya bilməyəcək.

Məlum olub ki, bütün sorğulara görə Nikol Paşinyanın rəhbərlik etdiyi “Vətəndaş Müqaviləsi” partiyası digər qüvvələri qabaqlamaqda davam edir. Ondan geri qalmayan və ya çox az geri qalan “Güclü Ermənistan” partiyasıdır. Daha sonra Qaqik Sarukyan və Robert Köçəryanın rəhbərlik etdiyi qüvvələrin parlamentə daxil olacağı bildirilir. Buna Arman Tatoyan da yaxındır, digərləri isə həmin sorğulara görə uğur qazana bilməyəcək”, - deyə nəşr qeyd edib.

Müəllifin sözlərinə görə, bu seçkilərdə narahatedici məqam odur ki, cəmiyyətin böyük bir hissəsi sadəcə seçkilərdə iştirak etmək istəmir, bütün qüvvələri rədd edir, seçkilərə qatılmaq niyyətində deyil.

“Təqdim olunan mənzərə siyasi sahədə dərinləşən qütbləşmə və etimad böhranından xəbər verir. Mövcud hakimiyyət nisbi lider mövqeyini qorusa da, aydındır ki, bu dəstək təkbaşına sabit idarəetmə formalaşdırmaq üçün kifayət deyil. Bu isə koalisiya danışıqları və ya ikinci turun mümkünlüyü deməkdir.

Müxalif düşərgədə parçalanma müşahidə olunur. Müəyyən dəstəyi olan, lakin keçid həddini aşacaq qədər güclü olmayan çoxlu qüvvələr birləşmir, böyümür və bununla da hakimiyyət dəyişikliyi ehtimalını “bir qüvvə vasitəsilə” azaldırlar.

Ümumilikdə formalaşan siyasi mühit göstərir ki, qarşıdakı seçkilər aydın qalib verməyə bilər, əvəzində mürəkkəb və danışıqlar tələb edən siyasi mərhələ yarada bilər. Burada həlledici rolu təkcə rəqəmlər deyil, həm də seçkidən sonrakı ittifaqlar, siyasi çeviklik və gözlənilən inkişaflar, o cümlədən həbslər oynayacaq”, - deyə nəşr vurğulayıb.

Alpər Mövludoğlu
Ordu.az