Ordu.az xəbər verir ki, bu barədə Rusiya Xarici İşlər Nazirliyinin bəyanatında deyilir.

“Lakin təəssüf ki, sülh istiqamətində irəliləyişə mane olan qüvvələr mövcuddur, onlar şüurlu və ya qeyri-şüurlu şəkildə bu yolda maneələr yaradırlar. Xüsusilə, İran əleyhinə aqressiya başlayan və hazırda onu Hörmüz boğazında gəmiçiliklə bağlı problemlərdə ittiham edənlər hadisələrin əslində necə inkişaf etdiyini və bu mühüm su yolunun fevralın 28-dək fasiləsiz fəaliyyət göstərdiyini nəzərdən qaçırmamalıdırlar”, - deyə bəyanatda qeyd edilir.

Bildirilir ki, bu mərhələdə əsas məqsəd regionda dağıdıcı münaqişənin köklü səbəblərinin aradan qaldırılmasıdır, yəni ABŞ və İsrail tərəfindən başlanan müharibənin tam dayandırılmasıdır. Bu, digər məsələlərlə yanaşı, Ərəbistan yarımadası ölkələrinə zərər vurulmasına, həmçinin Livan-İsrail sərhəd zonasında döyüş əməliyyatlarına və Livan üzərinə hava zərbələrinə səbəb olub və bunlar dərhal dayandırılmalıdır.

“Bu şəraitdə biz region ölkələri arasında fikir ayrılıqlarının siyasi və diplomatik vasitələrlə həllini dəstəkləyirik. Biz tərəfdaşlarımızla sıx əməkdaşlığa hazırıq ki, konstruktiv sülh səylərini təşviq edək və Yaxın Şərqdə vəziyyətin sabitləşməsini təmin edək.

Pakistanın elan etdiyi danışıqlarda iştirak edən bütün tərəfləri məsuliyyətli davranmağa və bu imkanı poza biləcək hər hansı addımdan çəkinməyə çağırırıq”, - deyə bəyanatda vurğulanır.

Sevinc Əliyeva
Ordu.az