Ordu.az xəbər verir ki, bunu İran parlamentinin sədri Məhəmməd Baqir Qalibaf bildirib.

“Biz sahəni diplomatiyadan ayırmağa ümumiyyətlə inanmırıq və hesab edirik ki, yalnız bir sahə var: İran xalqının hüquqlarının müdafiəsi sahəsi”, - deyə Qalibaf qeyd edib.

Onun fikrincə, bu hüquqlara ya hərbi, ya da diplomatik mübarizə yolu ilə nail olmaq mümkündür.

İran parlamentinin sədri vurğulayıb ki, İranın rəqiblərini bədəl ödəməyə məcbur etmək üçün həm hərbi, həm də diplomatik vasitələrdən istifadə etmək mümkündür.

“ABŞ-nin tarixi geri çəkilməsi və İranın 10 bəndlik proqramının ümumi müddəalarının qəbul edilməsi, hərçənd danılmaz qələbədir, biz bu qələbəni yarımçıq addım hesab edirik.

Keçmiş təcrübə göstərib ki, düşmənə qarşı mütləq etimadsızlıq nümayiş etdirmək lazımdır. Biz Trampın ultimatum şərtləri altında ABŞ ilə danışıqlara razılaşmadıq”, - deyə Qalibaf qeyd edib.

Onun sözlərinə görə, İranın 10 bəndlik proqramı danışıqlar zamanı deyil, mesaj mübadiləsi yolu ilə əldə olunub.

“Bundan sonra, əgər ABŞ öz öhdəliklərini pozmağa davam etməsə, biz danışıqlara başlaya bilərik”, - deyə İran parlamentinin sədri bildirib.

Sevinc Əliyeva
Ordu.az