Ordu.az xəbər verir ki, bu barədə İsrail mənbələrinə istinadən ABŞ-nin “Axios” portalı məlumat yayıb.

Portalın məlumatına görə, Netanyahu bazar günü Trampa zəng edərək İranda vurulan F-15E qırıcısının iki amerikalı pilotunun uğurla xilas edilməsi münasibətilə onu təbrik edib. Baş nazir vasitəçilər üzərindən Vaşinqton və Tehran arasında aparılan danışıqlardan narahatlığını ifadə edib və Hörmüz boğazı və İranın nüvə proqramı məsələlərində güzəştlərin yolverilməz olduğunu bildirib.

“Axios” qeyd edir ki, Vaşinqtonu Hörmüz boğazı məsələsində güzəştə getməməyə Səudiyyə Ərəbistanı və BƏƏ rəhbərləri də çağırıblar. Onlar hesab edirlər ki, ABŞ şərtləri əsasında hərtərəfli sülh razılaşması olmadan müvəqqəti atəşkəsə nail olmaq mümkün deyil.

Sevinc Əliyeva
Ordu.az