Ordu.az xəbər verir ki, bu barədə ABŞ-nin İsraildəki səfiri Mayk Hakabi bildirib.

“Mən baş nazir Netanyahu ilə görüşdüm və Amerika xalqı adından İranda təyyarəmizin heyətinin xilas edilməsi əməliyyatı zamanı göstərdiyi misilsiz dəstəyə görə ona təşəkkür etdim”, - deyə o, “X” səhifəsində yazıb.

Ötən cümə günü İran ərazisində ikiyerlik F-15E qırıcısı vurulub. Heyətin hər iki üzvü, pilot və naviqator-operator katapult etməyə və əlaqə yaratmağa nail olub. Pilot bir neçə saat ərzində xilas edilib, lakin naviqatorun axtarışları bir gündən çox davam edib. Onun xilas edilməsi əməliyyatı aprelin 4-də başlayıb, bu müddətdə ABŞ Hərbi Hava Qüvvələrinin qırıcıları həmin rayona doğru hərəkət edən İran qüvvələrinə zərbələr endirib. Xilasetmə əməliyyatı zamanı İran ABŞ-yə məxsus “Black Hawk” helikopterini vurub, heyət yaralansa da, maşın təhlükəli zonadan uzaqlaşa bilib.

“Military Watch Magazine”in məlumatına görə, əməliyyat zamanı ABŞ və İsrail ümumilikdə 11 uçan aparatı itirib.

Sevinc Əliyeva
Ordu.az