Ordu.az xəbər verir ki, bu barədə “Military Watch Magazine” yazıb.

İran qüvvələri ilə toqquşmalar nəticəsində ümumilikdə 11 təyyarə itirilib.

İranın hava hücumundan müdafiə sistemləri iki UH-60 helikopterini, iki MQ-9 pilotsuz uçuş aparatını, bir A-10 təyyarəsini və İsrailə məxsus “Hermes 900” kəşfiyyat pilotsuz uçuş aparatını vurub. Bu toqquşmalardan sonra iki ayrı videoda iki “Black Hawk” helikopterinin məhv edilməsi xüsusi diqqət çəkib.

Əlavə itkilər İranda iki HC-130J “Combat King II” axtarış-xilasetmə təyyarəsinin və iki MH-6 helikopterinin eniş etməsi zamanı qeydə alınıb. ABŞ mənbələrinə görə, bu hava vasitələri yenidən havaya qalxa bilməyib və onların İran qüvvələrinin əlinə keçməsinin qarşısını almaq üçün ABŞ qüvvələri tərəfindən yerində məhv edilib.

ABŞ və İsrailin raket arsenalının sürətlə azalması hər iki ölkənin silahlı qüvvələrini İranın hava məkanına daha yaxın fəaliyyət göstərməyə vadar edir. Bu isə daha ucuz və daha əlçatan qravitasiya bombalarından istifadəni artırır və nəticədə riskləri əhəmiyyətli dərəcədə yüksəldir.

Sevinc Əliyeva
Ordu.az