Ordu.az xəbər verir ki, bu barədə İran Silahlı Qüvvələrinin “Xatəm əl-Ənbiya” mərkəzi qərargahının nümayəndəsi İbrahim Zülfüqari bildirib.

“Biz lap əvvəldən bəyan etmişdik ki, mülki obyektlərə qarşı istənilən təcavüz düşmənin maraqlarına yönəlmiş sərt cavabla qarşılanacaq. Mülki hədəflərə hücumlar təkrarlanarsa, bizim hücum və cavab əməliyyatlarımızın növbəti mərhələləri çox daha güclü və genişmiqyaslı formada həyata keçiriləcək, belə siyasət davam edərsə, düşmənin zərəri və itkiləri dəfələrlə artacaq”, - deyə o, dövlət televiziyasının efirində bildirib.

Aprelin 5-də ABŞ administrasiyasının rəhbəri Donald Tramp hədələmişdi ki, əgər aprelin 6-dək Hörmüz boğazı açılmasa, İranın enerji və mülki infrastruktur obyektlərinə zərbələr endiriləcək.

Sevinc Əliyeva
Ordu.az