Ordu.az xəbər verir ki, bu barədə NTV telekanalı məlumat yayıb.

Telekanalın məlumatına görə, “Belgin Sultan” gəmisi artıq Havana limanında lövbər salıb.

ABŞ-nin ölkəyə yanacaq tədarükünə tətbiq etdiyi embarqodan sonra Kubanın elektrik enerjisi sistemi dərin böhranla üzləşib. Bu vəziyyət həm ev təsərrüfatlarına və bizneslərə elektrik enerjisinin verilməsinə, həm də hava limanlarının fəaliyyətinə təsir göstərib. Hava limanlarında aviasiya yanacağının çatışmazlığı yaranıb, bu səbəbdən bir çox şirkətlər adaya uçuşları məhdudlaşdırıb.

Karpowership şirkətinin gəmisi mayeləşdirilmiş qaz və ya dizel yanacağı ilə işləyə bilər. “Belgin Sultan” 76 MVt-a qədər elektrik enerjisi istehsal edə bilir. Türkiyə şirkəti bu cür gəmilərdən və digər platformalardan ibarət geniş donanmaya malikdir. Şirkət Kot-d’İvuar, Qana, Mozambik, Seneqal, Braziliya və Dominikan Respublikası daxil olmaqla bir sıra ölkələrdə elektrik təchizatı xidmətləri göstərir.

Sevinc Əliyeva
Ordu.az