Ordu.az xəbər verir ki, bu barədə xarici KİV-lər məlumat yayıb.
“X” sosial şəbəkəsində yayımladığı paylaşımda briqada generalı İsmayıl Qaani Birləşmiş Ştatlara xatırladıb ki, onların İran ərazisində əvvəlki “xilasetmə əməliyyatları” uğursuzluqla nəticələnib, necə ki, vurulmuş pilotu geri qaytarmaq üçün son cəhd də ABŞ-nin iki hərbi təyyarəsi və iki helikopterini itirməsi ilə başa çatıb.
O, həmin gün daha əvvəl həyata keçirilmiş əməliyyatla 1980-ci ildə baş vermiş və Tabas faciəsi kimi tanınan “Eagle Claw” əməliyyatı arasında paralellər aparıb. Həmin əməliyyat zamanı ABŞ-nin İranda amerikalı casusları azad etmək missiyası səhrada iflasa uğramışdı.
İran silahlı qüvvələri ABŞ-yə məxsus iki C-130 nəqliyyat təyyarəsini və iki “Black Hawk” helikopterini məhv edib. Həmin vasitələr cümə günü iranlı hərbçilər tərəfindən vurulan F-15 qırıcısının pilotunu xilas etmək üçün gəlmişdi. “İsfahanın cənubunda yüksələn tüstü və Aralıq dənizində yanmış İsrail gəmisi 1980-ci ilin Tabas uğursuzluğunu və 2006-cı ilin Saar dəniz fəlakətini xatırladır”, - deyə Qaani yazıb. General Aralıq dənizində “yanmış İsrail gəmisi”ndən bəhs edərkən, “Hizbullah” hərəkatının Livan sahillərindən təxminən 68 dəniz mili məsafəsində İsrail hərbi gəmisinə zərbə endirdiyini bildirdiyi bəyanatı nəzərdə tutub.
General Qaani həmçinin xəbərdarlıq edib ki, “Epşteynin elitası” bütün regionda yeni “sürprizlər” gözləməlidir.
“Ondan da çox çıxılmaz vəziyyətlər və səhrada fəlakətlər olacaq, bu dəfə isə bütün regionda olacaq”, - deyə o bildirib.
Sevinc Əliyeva
Ordu.az
