Ordu.az xəbər verir ki, bu barədə CNN mənbələrə istinadən məlumat yayıb.

“ABŞ Hərbi Hava Qüvvələrinə məxsus F-15 qırıcı və A-10 hücum təyyarəsinin son itkiləri İranla müharibə zamanı ekipajı məhv edilmiş təyyarələrin təsdiqlənmiş sayını yeddiyə çatdırır”, - deyə məlumatda qeyd edilir.

Telekanalın məlumatına görə, itirilmiş ABŞ təyyarələri arasında Küveytdə hava hücumundan müdafiə sistemləri tərəfindən dost atəşi ilə vurulan üç F-15 qırıcısı, İraqda qəzaya uğrayan KC-135 tanker təyyarəsi və Səudiyyə Ərəbistanında bazaya hücum zamanı məhv edilən E-3 Sentry erkən xəbərdarlıq və idarəetmə təyyarəsi var.

Bundan əlavə, ötən ay F-35 qırıcısı ciddi zərər alıb və məcburi eniş edib.

Martın 1-də Küveyt səmasında üç ABŞ F-15E qırıcısı dost atəşi nəticəsində vurulub. Pilotlar təxliyə olunub.

Daha sonra martın 4-də The Wall Street Journal qəzeti ABŞ qırıcılarının səhvən Küveytə məxsus F/A-18 tərəfindən vurulduğunu yazıb. Qəzetin məlumatına görə, hədəflər üç raketlə məhv edilib.

Sevinc Əliyeva
Ordu.az