Ordu.az xəbər verir ki, bunu bu gün “Qarabağdan (könüllü-red.) köç etmiş ermənilərin sosial-iqtisadi inteqrasiyası prosesi” mövzusunda keçirilən müzakirədə Ermənistanın daxili işlər naziri Arpine Sarkisyan deyib.

“Yəni, əgər ötən ilin ilk yarısında cəmi 4000 müraciət almışdıqsa, bu ilin yalnız 2,5 ayı ərzində 5000-dən çox müraciət qəbul etmişik. Bu da qarşılıqlı etimadın göstəricisidir, çünki bizim öhdəliyimiz sizin tərəfinizdən də paylaşılır və müraciətlərin sayı daha sürətlə artır”, - deyə erməni nazir Qarabağdan köç etmiş şəxslərə müraciətlə bildirib.

Erməni nazir xatırladıb ki, ötən ilin sonuna qədər 2 ay müddətində bütün müraciətlərin həll olunması ilə bağlı öhdəlik götürülmüşdü və bu öhdəlik yerinə yetirilib, yalnız nadir hallarda müraciətlər 2 ay ərzində həll olunmayıb.

“Digər şəxslər Ermənistan vətəndaşlığı üçün müraciət etdikdə bu proses 4,5 ay davam edir. Lakin biz ümumi öhdəliyimizi nəzərə alaraq prosesi 2 ay ərzində başa çatdırırıq”, - deyə o qeyd edib.

Sarkisyan əlavə edib ki, digər müraciətçilərdən fərqli olaraq, Qarabağdan köç etmiş şəxslər Ermənistan vətəndaşlığı üçün müraciət edərkən heç bir rüsum ödəmirlər.

Alpər Mövludoğlu
Ordu.az