Ordu.az xəbər verir ki, bu barədə Ermənistanın “Hraparak” nəşri yazıb.

Nəşr qeyd edib ki, iki il əvvəl də oxşar məlumatlar yayılmışdı, lakin cəmiyyətin yaratdığı böyük səs-küy nəticəsində proses dayandırılmışdı.

“İndi isə yenidən direktorlar üçün göstəriş verilib ki, uşaqlarla Qarabağ mövzusu ilə bağlı hər hansı söhbət və ya xatırlatma olmasın və “şöhrət guşələri” ləğv edilsin.

Direktorlardan biri bizə aldıqları məktubun konkret məzmununu ətraflı izah edib: Nazirlik “şöhrət guşələri”ndən Qarabağ müharibələrində ölənlərin şəkillərinin götürülməsini, yalnız Ermənistanın gerbi və bayrağının saxlanılmasını, yanında isə “Yaxşı oxu ki, yaxşı yaşayasan” yazısının yerləşdirilməsini tövsiyə edib.

Hakimiyyət, faktiki olaraq, ölkə uğrunda həyatını qurban vermiş oğulları xatirəyə layiq hesab etmir. Prosesin icrası məsuliyyəti vilayət rəislərinin üzərinə qoyulub, çünki deyilənə görə, bəzi direktorlar tərəddüd edir və bu anti-milli qərarı öz xoşları ilə icra etməyə utanırlar”, - deyə nəşr bildirib.

Alpər Mövludoğlu
Ordu.az