Ordu.az xəbər verir ki, bunu “Erməni Milli Konqresi” partiyasının sədr müavini Levon Zurabyan deyib.

Onun sözlərinə görə, ilk dəfədir ki, ABŞ vitse-prezidenti Ermənistana gəlir, lakin bundan Ermənistanın nə əldə edəcəyini təhlil etmək üçün nə imzaladıqlarına baxmaq lazımdır.

“Onlar mülki nüvə sazişi imzalayıblar, halbuki adəti üzrə həmin mətn hələ də dərc olunmayıb. İctimai rəylə oyun oynanılır. Biz hakimiyyətdən bu sazişlərin mətnini dərc etməyi tələb edirik.

Mütəxəssislər deyirlər ki, modul AES-lərin (SMR) istehsal etdiyi enerjinin qiyməti bizim reaktorların istehsal etdiyi ilə eyni, hətta daha baha olacaq. Lakin bu hələ hamısı deyil. Məsələ burasındadır ki, ABŞ-nin hələ modul AES-ləri yoxdur. Hətta nüfuzlu CNN kanalı da bu barədə faktlara və mütəxəssis rəylərinə əsaslanan geniş məqalə dərc edib”, - deyə Zurabyan qeyd edib.

Zurabyan bildirib ki, məqsəd atom elektrik stansiyasını bağlamaqdır, Ermənistana milyardlıq xəyallar satırlar, Zəngəzur xərçəng yaradan zibilliyə çevriləcək.

“Zəngəzurun dağ-mədən sənayesindən danışırlar. İndi ən vacib məsələ nadir metallardır: litium, uran... İndi gəlin anlayaq: biz Ermənistanı zibilliyə, Zəngəzuru isə bizim sağlamlığımız hesabına başqalarının pul qazanacağı xərçəng yaradan bir bölgəyə çevirmək istəyirik? Biz başqaları üçün mineral əlavəyə çevrilirik. Biz Qərblə əməkdaşlığın bizim üçün sərfəli platformalarını tapmalıyıq və onlar var, sadəcə bu hakimiyyət bunu etmək iqtidarında deyil. Hansı yaxşıdır: mədəni dağ-mədən sənayesinə, yoxsa ekoturizmə vermək?”, - deyə o vurğulayıb.

Zurabyan qeyd edib ki, Paşinyan Zəngəzuru sərvətləri istismar edilən bir dəhlizə, bir zibilliyə çevirməyə hazırdır.

“Yanvarın 14-də imzalanan TRIPP sənədində 15 dəfə Ermənistanın suverenliyindən bəhs edilir, lakin bizə təklif olunan şey suverenlik deyil, onun məhvidir. Bizim suverenliyimiz həmin ərazidə Ermənistanı İrana bağlayan dəmir yolu tikməyə kifayət edəcəkmi? Bu, çox vacib sualdır. Mən bu barədə onlarla 2019-cu ildə danışıqlar aparmışam, Mher Qriqoryan və iqtisadiyyat naziri bu layihəni böyük həvəslə qarşılamışdılar, lakin Paşinyan şəxsən onu dayandırdı”, - deyə o bildirib.

Alpər Mövludoğlu
Ordu.az