Ordu.az xəbər verir ki, bunu erməni siyasi şərhçi Hakob Badalyan öz “Telegram” kanalında yazıb.

“Nəhayət, belə demək mümkündürsə, “fan-klublar”dan kənarda hər bir sağlam düşüncəli insana Azərbaycanın ABŞ üçün strateji əhəmiyyəti heç də təəccüblü deyil və bu, yeni hal deyil ki, ifadə olunur.

Amma Vensin Azərbaycanda verdiyi bir bəyanat, məncə, ən azı qeyri-korrektdir”, - deyə o qeyd edib.

Badalyanın sözlərinə görə, Vens deyir ki, Bakıya gələrkən Azərbaycanın iki hissəsini birləşdirən “Tramp yolu” (Zəngəzur dəhlizi-red.) üzərindən uçan ilk şəxs olub.

“Təbii ki, sual yaranacaq: niyə və nə baxımdan bu qeyri-korrekt bəyanatdır? Birincisi, hələ nə fiziki, nə də hüquqi baxımdan “Tramp yolu” mövcuddur. Bu, sadəcə elan olunmuş razılaşmadır. İkincisi, “Tramp yolu” Ermənistanın çox konkret ərazisini, çox konkret parametrlərlə nəzərdə tutur. Üçüncüsü, ehtimal olunur ki, həmin ərazi Ermənistanın ən cənub hissəsində yerləşir. Halbuki Cey Di Vensi İrəvandan Bakıya aparan təyyarə, ən azı, əvvəlcə Zəngəzurun cənubuna enib, sonra Bakıya uçaraq Azərbaycana gedə bilməzdi”, - deyə erməni siyasi şərhçi vurğulayıb.

Badalyan bildirib ki, yəni Vensin təyyarəsi hətta şərti deyilsə belə, ehtimal edilən “Tramp yolu” üzərindən uça bilməzdi.

“Belə çıxır ki, ABŞ vitse-prezidenti formal olaraq Ermənistan ərazisini, ümumi mənada, Azərbaycanın iki hissəsini birləşdirən yol kimi “Tramp yolu” adlandırır.

Əlbəttə, başa düşürəm ki, belə demək mümkündürsə, “xüsusi təyinatlı azarkeşlər” üçün Vensin ağzından çıxan hər söz “manna”ya bərabərdir. Amma düşünəndə sual yaranır: ABŞ vitse-prezidenti hansı məntiqlə Ermənistanı bu qədər rahat şəkildə “Tramp yolu” kimi təqdim edir? Bu, faktiki olaraq münasibətin və uyğun olmayan münasibətin ifadəsidir”, - deyə o qeyd edib.

Alpər Mövludoğlu
Ordu.az