Ordu.az xəbər verir ki, bu barədə Ermənistan KİV-ləri məlumat yayıb.

Ermənistan KİV-ləri qeyd edib ki, sözügedən ərazi ilə bağlı mülki iş çərçivəsində İrəvanın Koğbatsi küçəsi 36/3 ünvanında inşa edilmiş kompleksdən 235,8 kvadratmetr sahənin mülkiyyət hüququ Ermənistana qaytarılıb.

Bildirilib ki, prokuror 2023-cü il sentyabrın 27-də Hasmik Poğosyana qarşı ictimai cinayət təqibi başladıb. 2023-cü il oktyabrın 4-də Ermənistanın keçmiş mədəniyyət naziri ilə bağlı iş ayrıca icraata ayrılaraq Korrupsiyaya qarşı Mübarizə Məhkəməsinə göndərilib.

Ermənistan Korrupsiyaya qarşı Cinayət Məhkəməsinin 2025-ci il 6 noyabr tarixli hökmü ilə Hasmik Poğosyan vəzifə səlahiyyətlərindən sui-istifadə etməkdə və xüsusilə külli miqdarda dələduzluğa kömək etməkdə təqsirli bilinərək 4 il 6 ay müddətinə azadlıqdan məhrum edilib. Məhkəmə aktı bu gün qanuni qüvvəyə minib. Həmin hökmə əsasən, təqsirləndirilən Hasmik Poğosyan cəzadan azad edilib və ona 2018-ci il noyabrın 6-da qüvvəyə minmiş “Erebuni-İrəvanın əsasının qoyulmasının 2800 illiyi və birinci Ermənistan Respublikasının müstəqilliyinin elan edilməsinin 100 illiyi münasibətilə cinayət işləri üzrə amnistiya elan edilməsi haqqında” Ermənistan qanununun 2-ci maddəsinin 1-ci hissəsinin 2-ci bəndi tətbiq olunub.

Alpər Mövludoğlu
Ordu.az