Ordu.az xəbər verir ki, Filippin Sahil Mühafizəsi “Magbanua” sinfinə məxsus 97 metrlik patrul gəmilərinin silah sistemlərini gücləndirmək üçün ASELSAN ilə razılaşma əldə edib.

Müqavilə çərçivəsində iki ədəd 30 mm-lik uzaqdan idarə olunan top sistemi SMASH tədarük olunacaq. Bu yeni sistemlər hazırda 12.7 mm-lik pulemyotlarla təchiz olunmuş gəmilərin əsas silahlarını təşkil edəcək.

Filippin hal-hazırda 2 ədəd “Magbanua” sinfinə məxsus gəmini istismar edir. Bu gəmilər – BRP “Teresa Magbanua” və BRP “Melchora Aquino” – 2022-ci ildə Filippin Sahil Mühafizəsinə təhvil verilmişdi. İndi isə əlavə 5 gəminin tədarükü gündəmdədir. Yaponiyanın “Mitsubishi” şirkəti tərəfindən istehsal olunan bu gəmilər dəniz təhlükəsizliyi patrulları, axtarış və xilasetmə, narkotiklə mübarizə, logistika, neft sızmalarına müdaxilə və ətraf mühitin mühafizəsi kimi vəzifələrdə istifadə olunur.

Sevinc Əliyeva
Ordu.az