Ordu.az xəbər verir ki, “Diehl Defence” şirkətinin baş icraçı direktoru Helmut Rauç və “Reliance Group”un idarə heyətinin sədri Anil D. Ambani son görüşlərində Hindistan Silahlı Qüvvələri üçün xüsusilə “Vulcano” 155 mm-lik dəqiq idarə olunan sursat sisteminin satın alınmasında davam edən birgə səylərin gedişatını müzakirə ediblər.
Hindistan hökumətinin “Make in India’” təşəbbüsünə uyğun olan müqavilə “Diehl”in Hindistanın müdafiə sektoru ilə davam edən əlaqələrinə əsaslanır.
Şirkətlərin məlumatına görə, əməkdaşlığın hazırkı mərhələsi “Vulcano” sisteminin sürətli tədarükünü prioritetləşdirir və həmçinin “Make in India-II” proqramı çərçivəsində yerli istehsalına dəstək verir.
Bu kontekstdə “Reliance Defence” əsas podratçı, “Diehl Defence” isə strateji tərəfdaş kimi çıxış edəcək.
Sevinc Əliyeva
Ordu.az
