Ordu.az xəbər verir ki, Beynəlxalq Strateji Araşdırmalar İnstitutunun (IISS) yeni hesabatı ABŞ-nin Avropadan çıxacağı təqdirdə NATO üzvlərinin Rusiyaya qarşı ciddi qısamüddətli müdafiə boşluğu ilə üzləşəcəyini ortaya qoyub.

Hesabatda bildirilir ki, ABŞ-nin Avropadakı hərbi mövcudluğunun əvəzlənməsi təxminən 1 trilyon dollara başa gələcək. Bu xərcə keyfiyyətindən asılı olaraq 226 milyard dollardan 344 milyard dollara qədər birdəfəlik müdafiə satınalma xərcləri daxildir. Həmçinin personal, texniki xidmət və maddi-texniki dəstək üçün əlavə xərclər var.

Bu nəhəng büdcənin ən böyük maddəsi 400 taktiki döyüş təyyarəsinin alınmasını əhatə edir. Bu təyyarələri 20 esmines və 24 uzun mənzilli “yer-hava” raket sistemi izləyir.

ABŞ geri çəkilərsə, NATO-nun Avropadakı ikinci ən yüksək hərbi mövqeyi olan Avropa Müttəfiq Qüvvələr Ali Baş Komandanlığı (SACEUR) kimi kritik liderlik postlarının da avropalılar tərəfindən doldurulması lazım gələcək.

Hesabatda Rusiyanın genişmiqyaslı hücumuna qarşı çıxmaq üçün lazım olan 128 min ABŞ hərbi qulluqçusunun əvəzlənməsinə hər il 12 milyard dollardan çox pul xərclənəcəyi təxmin edilir. Bu xərcə komanda və nəzarət, kəşfiyyat, kosmik əməliyyatlar və nüvə silah sistemləri kimi hesablanması daha çətin olan xərclər daxil deyil.

Sevinc Əliyeva
Ordu.az