Ordu.az xəbər verir ki, bu barədə “Financial Times” (FT) qəzeti avropalı diplomatlara istinadən yazır.

Bildirilib ki, əgər çərşənbə günü sanksiya paketini razılaşdırmaq mümkün olsa, Aİ ölkələrinin XİN başçıları gələn həftə onu təsdiqləyəcəklər.

Diplomatların sözlərinə görə, birliyin 27 üzv ölkəsinin nümayəndələri bazar ertəsi yeni məhdudlaşdırıcı tədbirləri "əhəmiyyətli dərəcədə" razılaşdırıblar.

Bazar ertəsi Brüsseldə Aİ-nin Daimi Nümayəndələr Komitəsinin iclası keçirilib.

Daha əvvəl Avropa Komissiyasının 60 fiziki şəxs və təşkilatın, həmçinin Rusiya neftini daşıyan 150 tankerin qara siyahıya daxil edilməsini təklif etdiyi bildirilmişdi.

Ordu.az