Ordu.az xəbər verir ki, Akyol ASELSAN-ın 2025-ci ildən etibarən təkcə HHM sistemləri sahəsində ildə 10-dan çox batareya tədarük edəcək istehsal gücünə çatdığını açıqlayıb.
Ötən il çoxlu sistem tədarüklərinə başlandığını deyən Akyol bu sahədə istehsal tempinin gündən-günə artdığını vurğulayıb.
"Daha çox istehsal etmək üçün gücümüzü hər gün artırırıq", - deyə ASELSAN baş direktoru qeyd edib.
O bildirib ki, həm daxili təhlükəsizlik ehtiyaclarını, həm də dost və müttəfiq ölkələrin tələblərini qarşılamaqda mühüm hədd keçilib.
ASELSAN son dövrlərdə "Hisar" HHM ailəsi başda olmaqla, radar sistemləri, elektro-optik sensorlar və komanda-idarəetmə infrastrukturlarına etdiyi sərmayələrlə diqqət çəkib.
Şirkətin xüsusilə orta və uzun mənzilli HHM həlləri üçün ixrac potensialı da artır.
Sevinc Əliyeva
Ordu.az
