Ordu.az xəbər verir ki, Qəzzada qarşıdurmaların güclənməsi və müqavimət əməliyyatlarının artması ilə İsrail ordusu kadr böhranı ilə üzləşib.

Bu çərçivədə ordu məcburi hərbi xidmət müddətinin 4 ay uzadılacağını açıqlayıb.

Verilən açıqlamaya görə, əlavə 4 ay ehtiyatda olan xidmət sayılacaq və əsgərlər ümumilikdə 3 il xidmət edəcəklər. Bundan başqa, əsgərlərin tərxisdən əvvəl məzuniyyəti ləğv edilib və onlardan tam 3 il xidmət keçməsi tələb edilib.

“The Cradle” nəşrinin məlumatına görə, İsrail aylarla davam edən şiddətli qarşıdurma və artan itkilər nəticəsində əsgərlərinin sayında əhəmiyyətli dərəcədə azalma ilə üzləşib. Bu kontekstdə ordunun hazırda 10 min hərbi qulluqçuya, xüsusilə də 7 min döyüşçü hərbi qulluqçuya ehtiyacı olduğu bildirilir.

İsrail ordusu əlavə 4 aylıq xidmət müddətinin əsgərlər üçün bəzi maddi faydalar təmin edəcəyini də açıqlayıb. Çünki ehtiyatda olan xidmət ümumiyyətlə İsrail hökuməti tərəfindən ödənişli vəzifə hesab olunur. Lakin ordunun bəyanatına görə, bu tənzimləmə “müvəqqəti” olacaq. Bu tənzimləmə mövcud hərbi kəsiri azaltmaq məqsədi daşıyır.

İsrail hökuməti atəşkəs danışıqlarında irəliləyiş olmadığı təqdirdə Qəzzada genişmiqyaslı hücuma keçəcəyini açıqlayıb. Təl-Əviv rəsmiləri iddia ediblər ki, hazırkı əməliyyatlar – Qəzza zolağının ən azı 50 faizinin İsrailin nəzarətinə keçməsi ilə nəticələnən əməliyyatlar – müqavimət hərəkatını tamamilə məhv etmək deyil, HƏMAS-a təzyiq etmək məqsədi daşıyır. Xəbər verildiyi kimi, planlaşdırılan genişmiqyaslı hücuma yeni ərazilərdə əməliyyatlar və ehtiyatda olan hərbi qulluqçuların kütləvi şəkildə çağırılması daxildir.

Digər tərəfdən, son aylarda İsrail mediası ordu ehtiyatlarında ciddi böhranın olduğunu, bir çox ehtiyatda olan hərbi qulluqçunun motivasiyadan məhrum olduğunu və xidmətə çağırılmasına baxmayaraq iştirak etmədiyini bildirib. Ehtiyatda olan yüksək rütbəli zabit “Haaretz”ə bildirib ki, bir çox ehtiyatda olan hərbi qulluqçular vəzifə yerinə yetirməkdən imtina edirlər. Təxminlərə görə, önümüzdəki dövrdə dəyişdirmə çağırışlarına cavab nisbətinin 50 faizi keçməyəcəyi düşünülür. Bu nisbət 2023-cü ildə müharibənin başlanğıcı ilə müqayisədə 50 faiz azalma deməkdir.

Sevinc Əliyeva
Ordu.az