Ordu.az xəbər verir ki, bu barədə Şoyqu aprelin 24-də Rusiyanın TASS dövlət xəbər agentliyinə müsahibəsində bildirib.

Şoyqu vurğulayıb ki, Rusiyanın nüvə sınaqları ilə bağlı mövqeyi birbaşa ABŞ-nin bu sahədə atacağı addımlardan asılı olacaq.

Şoyqu ABŞ-nin nüvə arsenalındakı bəzi sistemlərin istifadə müddəti bitmək üzrə olduğunu, Vaşinqtonun yeni silah sistemləri üzərində işlədiyini və nüvə sınaqlarına doğru hərəkət edəcəyi təqdirdə Moskvanın “cavab addımları” ata biləcəyini bildirib.

Rusiya Təhlükəsizlik Şurasının katibi qeyd edib ki, Rusiya Müdafiə Nazirliyi və dövlət atom enerjisi agentliyi “Rosatom” belə bir ehtimala hazırdır.

Son illərdə bir çox modernləşdirilmiş strateji silah sistemini inventarına əlavə etdiklərini bildirən Şoyqu, buna baxmayaraq, hazırda nüvə sınaqları keçirməyə “təcili ehtiyac” hiss etmədiklərini bildirib.

Qeyd edək ki, Rusiya Sovet İttifaqı dövründə sonuncu nüvə sınağını 1990-cı il oktyabrın 24-də Novaya Zemlya poliqonunda həyata keçirib. Sovet İttifaqından sonra Rusiya nüvə sınaqlarına birtərəfli moratorium qoymağa davam edib.

Sevinc Əliyeva
Ordu.az