Ordu.az xəbər verir ki, bu barədə xarici KİV-lər məlumat yaylıb.

Danimarkanın müdafiə naziri Troels Lund Poulsen Ukraynadakı təcrübənin köhnəlmiş lülələrin silahların effektivliyini azalda biləcəyini göstərdiyini qeyd edib.

“Silah lülələri əbədi dayanmaq üçün hazırlanmır, xüsusən də intensiv istifadə zamanı bu, mümkün deyil”, - deyə o qeyd edib.

Bu çərçivədə Danimarka ordusu “Leopard 2” əsas döyüş tankları, ATMOS özüyeriyən artilleriya sistemi və CARDOM minaatan sistemi üçün ehtiyat lülələr alacaq.

Ümumi sərmayənin 230 milyon Danimarka kronu (təxminən 34 milyon dollar) olduğu bildirilir və bu məbləğ hərbi hazırlığın artırılması üçün Sürətləndirmə Fondundan maliyyələşdiriləcək.

Sevinc Əliyeva
Ordu.az