Ordu.az xəbər verir ki, bu barədə “Aero Vodochody” rəsmi “X” hesabında məlumat yayıb.

“Vyetnamda “L-39 Skyfox”! “AERO Vodochody AEROSPACE” və OMNIPOL 6 ədəd “L-39 Skyfox” təyyarəsinin Vyetnam Hərbi Hava Qüvvələrinə tədarükünü uğurla başa çatdırıb. Bu o deməkdir ki, sifariş edilən 12 təyyarənin hamısı uğurla tədarük edilib”, - deyə paylaşımda qeyd edilib.

Vyetnama həyata keçirilən bu tədarükdə 6 ədəd “L-39 Skyfox” təyyarəsi yer alıb. Əvvəlki tədarük 2024-cü ilin martında baş tutub. Vyetnamın 2303 bort nömrəli ilk “L-39 Skyfox” təyyarəsinin sınaq uçuşu isə 2023-cü ilin oktyabrında edilib. Aparılan sınaqlar nəticəsində təyyarədə heç bir problemin olmadığı açıqlanıb.

Sevinc Əliyeva
Ordu.az