Ordu.az xəbər verir ki, bu barədə Ermənistanın “Joğovurd” nəşri yazıb.

Nəşr qeyd edib ki, 2020-ci ildən itkin düşən erməni hərbi qulluqçuların valideynlərinin xahişi ilə ötən gün Ermənistan parlamentində parlamentin deputatı, müdafiə və təhlükəsizlik məsələləri üzrə daimi komissiyanın sədri Andranik Köçəryanla bağlı qapılar arxasında görüş keçirilib.

“Joğovurd” qəzeti bağlı qapılar arxasında keçirilən iclasdan bəzi təfərrüatları öyrənə bilib. Əvvəlcə öyrəndik ki, görüşdə Köçəryanın müsahibəsinə qəzəblənən 30-a yaxın valideyn iştirak edib. Təxminən bir həftə əvvəl Köçəryan jurnalistlərlə keçirdiyi brifinqdə bildirib ki, dinləmələr zamanı istintaqla əldə edilən faktiki məlumatlar, itkin düşən şəxsin harada axtarılması və ya mərhumun ölüm şəraiti müzakirə olunub.

Bu sözlər valideynlərin qəzəbinə səbəb olub. Onlar parlamentə gediblər, əsəbiləşiblər, qışqırıblar, Köçəryana xəbərdarlıq ediblər ki, bundan sonra danışanda diqqətli olsun, insanların hissləri ilə oynamasın. Məlumata görə, bir çox valideynlər parlamentə gec gəliblər, lakin Köçəryana başa sala biliblər ki, o, övladlarının qalıqları və ümumilikdə itkin düşmüş şəxslərlə bağlı yersiz danışmamalı, yalan xəbərlər yaymamalıdır”, - deyə nəşr bildirib.

Alpər Mövludoğlu
Ordu.az