Ordu.az xəbər verir ki, bu kontekstdə aviasiya nəhəngləri “Airbus” və “Boeing” potensial tenderi qazanmaq üçün rəqabəti artırır.

Müdafiə Nazirliyinin sözçüsü təyyarələrin satın alınması planlarını təsdiqləyib, lakin satınalmanın yekun həcminin hələ dəqiq olmadığını qeyd edib.

“Polşa sürətləndirilmiş proqram vasitəsilə havada yanacaq doldurma imkanlarını genişləndirməyi düşünür. “Karkonosze” proqramı çərçivəsində həm tanker, həm də nəqliyyat təyyarəsi kimi istifadə edilə bilən təyyarələr əldə etmək istəyirik”, - deyə sözçü bildirib.

Qeyd edək ki, Polşa artan döyüş təyyarələri parkına xidmət göstərmək üçün tanker təyyarələri almağı planlaşdırır. Hazırda F-16 və FA-50 yüngül hücum təyyarələrini idarə edən ölkə 2026-cı ildə təhvil verilməsi planlaşdırılan 32 ədəd F-35 döyüş təyyarəsi də sifariş edib.

Yerli ekspertlər deyirlər ki, “Airbus”ın A330 çoxməqsədli tanker nəqliyyat təyyarəsi (MRTT) mümkün sifariş üçün ən güclü namizədlərdən biridir. Almaniyanın müdafiə naziri Boris Pistorius 2025-ci ilin yanvarında Bremendəki “Airbus” Müdafiə və Kosmos obyektinə səfəri zamanı dediyi kimi, Polşanın Avropa aviasiya qrupunun A400M nəqliyyat təyyarəsini də qiymətləndirdiyi bildirilir.

Sevinc Əliyeva
Ordu.az