Ordu.az xəbər verir ki, Almaniya aşağı hündürlük təhlükələrinə qarşı inkişaf etdirdiyi yeni elektrik PUA ovçusu “Cicada” ilə quru və dəniz müdafiə imkanlarını gücləndirir.
“Diehl Defence” bu innovativ sistemi 2025-ci il fevralın 24-26-da Nürnberqdə keçirilən “Enforce Tac” sərgisində nümayiş etdirib.
Avropada ilk dəfə təqdim edilən “eMissile Cicada” “Sinif 1” və “Sinif 2” PUA təhlükələrinə qarşı mübarizə aparmaq üçün nəzərdə tutulub və həm hədəfləri torla tutan, həm də məhv edən versiyalarda təklif olunur.
“Cicada” iki fərqli əməliyyat rolu üçün nəzərdə tutulub. Qeyri-öldürücü versiya PUA-ları torla zərərsizləşdirir, ölümcül versiya isə hava təhlükələrini aradan qaldırmaq üçün qəlpəli döyüş başlığından istifadə edir.
“Diehl Defence” bu sistemi müştərilərin xüsusi tələblərinə uyğun olaraq fərdiləşdirə bilmək üçün müxtəlif komponentlərlə dizayn edir.
Sevinc Əliyeva
Ordu.az
