Ordu.az xəbər verir ki, bu saziş iki ölkə arasında müdafiə ticarətini artırmaq məqsədi daşıyır.

“Defence Mirror”un məlumatına görə, Seul Yaxın Şərqə silah satışını genişləndirməyi planlaşdırır, Səudiyyə Ərəbistanı isə dövlət tərəfindən dəstəklənən Səudiyyə Ərəbistanı Hərbi Sənayesi (SAMI) vasitəsilə Yaxın Şərq və Şimali Afrika regionunda silah istehsalı və xidmət mərkəzinə çevrilməyi hədəfləyir.

Yaxın Şərqə son səfəri zamanı DAPA naziri Seok Yonq-qun Əbu-Dabidə keçirilən IDEX 2025 müdafiə sərgisində Səudiyyə Ərəbistanı, İraq, Rumıniya və Estoniya rəsmiləri ilə görüşlər keçirib, Səudiyyə Ərəbistanı ilə bu anlaşma memorandumunu imzalayıb.

Seok, həmçinin Misirdə FA-50 döyüş təyyarəsi və K9 özüyeriyən haubitsası kimi Koreya müdafiə məhsullarını təqdim edib, Misir Hərbi Hava Qüvvələrinin FA-50 alacağı təqdirdə tam dəstək vəd edib.

Qeyd edək ki, Cənubi Koreya 2027-ci ilə qədər qlobal silah ixracat bazarının 5%-ni ələ keçirməklə, dünyanın dördüncü ən böyük müdafiə ixracatçısı olmağı planlaşdırır.

Sevinc Əliyeva
Ordu.az