Ordu.az xəbər verir ki, bu barədə Türkiyə KİV-ləri məlumat yayıb.

Türkiyə Sahil Mühafizə Komandanlığının paylaşdığı “2024-cü il fəaliyyətləri və 2025-ci il hədəfləri” hesabatında yer alan məlumata görə, Sahil Mühafizə Komandanlığının inventarında olan helikopterlər modernləşdiriləcək.

Bu çərçivədə, hesabatda qeyd edildiyi kimi, 2002-ci ildən etibarən inventarda olan və axtarış-xilasetmə məqsədləri üçün istifadə edilən AB-412 helikopterlərində müxtəlif cihazların yerli və milli sistemlərlə modernləşdirilməsi üçün ASELSAN A.Ş. ilə koordinasiyalı işlər davam etdirilir.

Hazırkı helikopterlərin 2030-cu ilə qədər modernləşdirilməsi planlaşdırılır.

Bu çərçivədə ASELSAN koordinasiyasında modernləşdiriləcək AB-412 helikopterlərində təkmilləşdiriləcək sistemlər arasında radar, konsol və görüntü qeydə alma sistemi, elektron xəritə, görüntü ötürmə sistemi, elektro-optik sensorlar, rabitə cihazları, AIS montajı və milli IFF komponentləri var.

Sevinc Əliyeva
Ordu.az