Ordu.az xəbər verir ki, Rutte Almaniya Mətbuat Agentliyinə (DPA) açıqlamasında Avropa ilə ABŞ-nin müdafiə sənayesi arasındakı əlaqələrlə bağlı qiymətləndirmə edib.

“Avropalı müttəfiqlər artıq ABŞ-nin müdafiə sənayesinə yüz milyardlarla dollar sərmayə qoyublar”, - deyə Rutte qeyd edib.

O vurğulayıb ki, əgər ABŞ müdafiə sənayesi Konqres, Pentaqon və Ağ Evdən icazə almağa ehtiyac duymasa, bu məbləğ əhəmiyyətli dərəcədə arta bilər.

Rutte Avropanın “Patriot” raketdən müdafiə sistemlərinə olan tələbinə işarə edərək qeyd edib: “Hər biri 2 milyard avroya başa gəlir. Beləliklə, bu, ABŞ iqtisadiyyatı üçün böyük məbləğdir”.

Sevinc Əliyeva
Ordu.az