Ordu.az xəbər verir ki, bu barədə ABŞ Müdafiə Nazirliyi məlumat yayıb.

Müqaviləyə ABŞ Hərbi Hava Qüvvələri üçün 48 ədəd F-35A, Dəniz Piyadaları Korpusu üçün 16 ədəd F-35B və 5 ədəd F-35C, ABŞ Hərbi Dəniz Qüvvələri üçün isə 14 ədəd F-35C təyyarəsi sifarişi daxildir.

Müqaviləyə əsasən, ABŞ Müdafiə Nazirliyindən kənar proqram tərəfdaşlarına 15 ədəd F-35A və 1 ədəd F-35B təyyarəsi, “Xarici Hərbi Satış” müştərilərinə isə 39 ədəd F-35A və 7 ədəd F-35B təyyarəsi ayrılacaq.

Bu açıqlama “SpaceX” və “Tesla”nın qurucusu İlon Maskın F-35 proqramını tənqid etməsinin yenidən gündəmə gəldiyi bir vaxtda verilib.

Dəfələrlə pilotlu döyüş təyyarələrinin mümkünlüyünü şübhə altına alan Mask “X” platformasındakı son paylaşımında F-35-in dizaynını tənqid edib.

Lakin tənqidlərə baxmayaraq, F-35 ABŞ-nin hərbi strategiyasının təməl daşı və müttəfiqlərin müdafiə təşəbbüslərinin əsas komponenti olaraq qalır.

Sevinc Əliyeva
Ordu.az