Bununla belə, qeyd etmək yerinə düşər ki, Putin təxminən iki həftə əvvəl Qazaxıstana dövlət səfəri ilə gəlib və burada səfərlə yanaşı, KTMT sammiti də keçirilib. Rusiya prezidentinin həmin səfər zamanı keçmiş prezident Nazarbayevlə görüşməyə vaxtı olmayıbmı? Bəs yarımçıq nə qalıb ki, dekabrın 13-də Putin Nazarbayevlə Novo-Oqoryovoda görüşüb?
Yeri gəlmişkən, məlum olduğu kimi, Ermənistanın Baş naziri Nikol Paşinyan da həmin gün Avrasiya İqtisadi Birliyi (AİB) Baş Nazirlər Şurasının iclasına sədrlik etmək münasibətilə Moskvada olub, ancaq Paşinyanla Putin arasında heç bir görüş olmayıb, ən azından bu barədə ictimailəşdirilmiş məlumat yoxdur. Kremlin sözçüsü Dmirti Peskov Paşinyanın ilin sonunda MDB və AİB sammitlərində gözlənildiyini açıqlayıb.
Paşinyanın Nazarbayevlə sonuncu görüşü 2019-cu il mayın 28-də, Paşinyanın AİB sammitində iştirak etmək üçün getdiyi Astanada olub. Nazarbayev o vaxt artıq prezident deyildi, bundan iki ay əvvəl gözlənilmədən istefasını elan etmişdi və bu vəzifəni Kasım-Jomart Tokayevə verdi. Üstəlik, bundan iki ay sonra Astanada Paşinyanla görüşən Nazarbayevin birinciyə öyüd-nəsihət verməsi təəssüratı buraxan qarşılama nitqi diqqət çəkir.
“Bilirsiniz ki, mən dərindən düşünüb, bu qərarı verdim. Təcrübəmə və yaşıma çatanda, məni daha yaxşı başa düşəcəksiniz. İyunun 20-də mənim Qazaxıstanın rəhbəri olmağımın 30 ili tamam olacaqdı. O vaxt hələ Sovet İttifaqı idi. 1989-cu ildə Qazaxıstan Kommunist Partiyasının birinci katibi seçildim, ondan əvvəl isə hökumətin nümayəndəsi idim. Buna görə də çox işləmişəm, çox şey görmüşəm, bütün Qazaxıstan məni tanıyır və müstəqilliyin son illərində biz Qazaxıstanın nüfuzunu faktiki olaraq artırmaq, ölkəni bütün dünyaya tanıtmaq üçün çox şey edə bildik. Və düşündüm ki, liderlik vəzifəsini sakitcə təhvil verməyin vaxtıdır. Eyni zamanda işləməyə davam edirəm. Kasım-Jomart Tokayev 30 ildir mənimlə işləyir, mən onu tanıyıram, o, çox təlim keçmiş və savadlı insandır. Əminəm ki, Ermənistanla münasibətlərimiz əvvəlki kimi yaxşı olacaq”, - deyə Nazarbayev Paşinyana bildirib.
Bundan əlavə, 3 il sonra Qazaxıstanla bağlı görünməmiş bir qərar verildi, 2022-ci ilin yanvarında bu ölkədə daxili gərginlik və toqquşmalar olanda, Ermənistan sədrliyi ilə təşəbbüs göstərildi və KTMT-nin kollektiv qüvvələrinin Qazaxıstana gətirilməsi barədə qərar qəbul edildi. İrəvan iddia edirdi ki, guya KTMT-yə sədrlik edən ölkə lazım gələrsə, KTMT-nin “Ermənistanın təhlükəsizliyinin mexanizmi” kimi də işləməsi üçün bu mexanizmi işə sala bilər. 9 aydan sonra isə Ermənistanın KTMT-dən narazılığı başladı.
Aqil Məmmədov
Ordu.az
