Ordu.az xəbər verir ki, bunu rusiyalı analitik Konstantin Simonov deyib.

Onun sözlərinə görə, təbii olaraq Cənubi Qafqaz, Ermənistan və Azərbaycanın da Suriyada baş verənlərlə müəyyən əlaqəsi var.

“Bu, İran və Rusiyanın müqavimətini və ya bəzən o səviyyədə görünməyən siyasi danışıqları nəzərdə tutur. Ancaq bunlar davam edir, beləliklə yeni təsir zonaları çəkilir. Rusiya, təbii ki, Cənubi Qafqazı tərk etmək fikrində deyil, fikrimcə, İran da buna hazırlaşmır, amma burada əsas sual var: öz nüfuzunu əvvəlki səviyyədə saxlamaq, başqa regionda qlobal müharibə aparmaq, sanksiyalar altında qalmaq üçün hansı resurslar var? Təhdidlər mövzusu İran üçün yeni deyil, ona görə də burada prioritetlərin və resursların düzgün bölüşdürülməsi məsələsi ortaya çıxır”, - deyə Simonov qeyd edib.

Simonov Cənubi Qafqaz məsələsinə toxunaraq bildirib ki, kiçik ölkələr, xüsusən də münaqişə vəziyyətində olan hallarda fəal diplomatiya aparmalıdırlar.

“Bundan əlavə, münaqişələrin və qlobal təsir dairələrini yenidən formalaşdırmaq cəhdlərinin olduğu belə regionlarda diplomatiya çevik və balanslı olmalıdır. İrəvan bütün güc mərkəzləri ilə işləmək məcburiyyətindədir, halbuki Rusiya istiqamətində hamımıza məlum olan siyasət, Qərb istiqamətində fəaliyyət davam edir”, - deyə o əlavə edib.

Alpər Mövludoğlu
Ordu.az