Ordu.az xəbər verir ki, Uttar Pradeşdə yerləşən “EndureAir Systems” tərəfindən istehsal edilən logistik PUA 20 kiloqram və ya öz çəkisinin təxminən yarısı qədər faydalı yük daşıma qabiliyyətinə malikdir.

Hindistan mətbuatında yer alan məlumata görə, PUA tibbi dəstlər, döyüş sursatı, batareyalar və atıcı silahlar da daxil olmaqla, geniş çeşiddə materialları 10 kilometrdən çox məsafələrə daşıya bilir.

Yüksək hündürlük şəraitinə tab gətirmək üçün xüsusi olaraq hazırlanmış PUA Hindistanın Şərq əməliyyatları üçün istifadə olunacaq.

“Sabal 20”nin ən diqqət çəkən xüsusiyyətlərindən biri onun “Boeing”in “Chinook” helikopterinin bazası əsasında dizayn edilməsidir.

Sevinc Əliyeva
Ordu.az