Düşmən işğal altında olan Ağdamda təlimlər keçirib - FOTOLAR

2019/05/94047-1556961381.jpg
Oxunub: 13121     13:13     04 May 2019    
Dünən işğal altında olan Ağdam rayonunun Uzundərə adlanan ərazisində Ermənistan ordusunun Qarabağda dislokasiya olunan hərbi birləşməsinin tank briqadası döyüş atışlı taktiki təlim keçirib.

Ordu.az erməni KİV-lərinə istinadən xəbər verir ki, təlimin gedişatını Qarabağdakı erməni ordusunun hərbi birləşmə komandirinin 1-ci müavini polkovnik Samvel Poğosyan izləyib.

Təlimin senarisinə görə, geri çəkilən bölmələr tank birliklərinin dəstəyi ilə əks hücuma keçərək itirilmiş mövqeləri bərpa edib.

Qeyd: Təlimə cəlb edilən tank briqadasının Xocalı yaşayış məntəqəsindəki hava limanına yaxın ərazidə dislokasiya olunan 49-cu tank briqadası, 46677 nömrəli hərbi hissə olduğu ehtimal olunur. Hərbi hissə komandiri polkovnik Tatul Hayrapetyandır.



Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Qarabağ   Təlim  


Bizi "telegram"da izləyin