Bu gün gənc əsgərlərin andiçmə mərasimi təmas xəttində yerləşən "N" saylı hərbi hissədə də qeyd edilib.
Ordu.az xəbər verir ki, mərasim, Ulu Öndər Heydər Əliyevin və Azərbaycanın azadlığı uğrunda canından keçən şəhidlərimizin əziz xatirəsini bir dəqiqəlik sükutla yad etməklə başlayıb.
Tədbiri giriş sözü ilə açan hərbi hissə komandiri gənc əsgərləri təbrik edərək, onlara xidməti dövründə vətənə sədaqəli olmağı arzulayıb. Çıxış edən əsgər valideynləri, ordumuzda olan inkişaf, əsgərlərin ümumi yaşam şəraitlərindən razı qaldıqlarını, komandir heyətinin əsgərlərə xüsusi qayğısından söz açıblar.
Daha sonra Müdafiə naziri Zakir Həsənovun və ordu korpusu Komandiri Hikmət Həsənovun əsgərlərə təbriki səsləndirilib.
Tədbirin yekununda əsgərlər vətənə sədaqət andı içiblər və onların hazırladıqları nümunəvi çıxışlar nümayiş etdirilib.
