Ordu.az xəbər verir ki, Paşinyanın məsləhətçisi Yeğişe Kirakosyanın Qarabağa ezam olunması ilə bağlı məlumat Ermənistan hökumətinin rəsmi saytında yerləşdirilib.

Məlumata görə, Yeğişe Kirakosyan Qarabağa Avropa İnsan Hüquqları Məhkəməsi tərəfindən Ermənistan hökumətinə göndərilən yurisdiksiyaya dair şikayətlərin nəzərdən keçirilməsi məqsədilə göndərilib.

Ermənistanın sabiq baş prokuroru AİHM-də və nazirlər komitəsində Ermənistanın keçmiş nümayəndəsi Qevork Kostanyan bu günlərdə bəyan edib ki, Azərbaycan Ermənistana qarşı Qarabağ münaqişəsi kontekstində 50 milyard dollar dövlətlərarası iddia qaldırmağa hazırlaşır.

Görünür, Ermənistan rəhbərliyi təşvişə düşərək Kirakosyanı məhz bu səbəblə Qarabağa göndərib.

Alpər Mövludoğlu
Ordu.az