Ordu.az erməni KİV-lərinə istinadən xəbər verir ki, bu sözləri Respublikaçılar partiyasının sədr müavini Armen Aşotyan, Avropa görüşlərindən sonra onda yaranan təəssüratı bölüşərkən deyib.

"Bu günlər ərzində Avropa ölkələrinin müxtəlif paytaxtlarını gəzərək, deputatlar, siyasi xadimlər və bölgə ilə məşğul olan ekspertlərlə görüşərək belə bir qənaətə gəlmişəm, təəssüf hissi ilə qeyd edim ki, inqilabdan sonra Ermənistan sadəcə tamaşa ediləcək bir ölkəyə çevrilib. Hər kəs nəinki bu ölkəni dəstəkləmək, vermək və ya təklif etmək, əksinə qopartmaq, almaq arzusundadır.

Qeyri-ciddilik, anlaşılmazlıq və "downshifting" - Avropa siyasi dairələrinin inqilabdan sonra ölkəmizə qarşı real münasibəti bax budur", - deyə təəssüflə Aşotyan "Facebook" səhifəsində yazıb.

Alpər Mövludoğlu
Ordu.az