2019-cu il yanvarın 29-da Ermənistanın Müdafiə naziri Davit Tonoyan Rusiya Federasiyası Silahlı Qüvvələrinin Cənub Hərbi Dairəsi qoşunlarının yeni təyin edilən komandir müavini, general-leytenant Aleksey Avdeyevi və Ermənistanda Rusiya səfirliyinin hərbi və hərbi hava attaşesi, polkovnik Andrey Qrişçuku qəbul edib.
Ordu.az Ermənistan Müdafiə Nazirliyinə istinadən xəbər verir ki, Tonoyan general-leytenant Aleksey Avdeyevi yeni vəzifəyə təyinatı ilə bağlı təbrik edib və erməni ordusunun yaranmasının 27-ci ildönümü tədbirlərində iştirakına görə minnətdarlıq edib.
Tərəflər Ermənistan Silahlı Qüvvələri və RF Silahlı Qüvvələri qoşunlarının birgə qruplaşmasının döyüş hazırlığı proqramları və taktiki təlimlərinə hazırlıq işlərini müzakirə ediblər.
Alpər Mövludoğlu
Ordu.az
© Materiallardan istifadə edərkən hiperlinklə istinad olunmalıdır
Teqlər:
Ermənistan
Tonoyan
CHD