Ordu.az “Anadolu” agentliyinə istinadən xəbər verir ki, bu fikirləri ABŞ rəhbərliyində İŞİD-ə qarşı vuruşan koalisiyanın komandanlarından olan Feliks Qedney bəyan edib.
Pentaqonda baş tutan mətbuat konfransına telekonfrans vasitəsilə qoşulan Qedneyə siyasi sahədə yüksələn gərginliyin iki ölkə arasındakı hərbi əlaqələrə nə kimi təsir göstərməsinə dair suallar verilib.
Bu problemlərin hərbi sahəyə sıçramadığını bildirən komandan “İncirlik” bazasının istifadəsi məsələsində hansısa dəyişikliyin müşahidə edilmədiyini vurğulayıb.
O, Türkiyənin hərbi koalisiyaya dəstək verən ölkə, dəyərli NATO və eyni zamanda regional müttəfiq olduğunu dilə gətirib.
Ağalar Ağalarlı
Ordu.az
