“Lockheed” F-35 ləvazimatına dair 302 milyon dollarlıq müqavilə imzalayıb

2018/08/received_2149294942000614_1534268831.jpeg
Oxunub: 3849     01:43     15 Avqust 2018    
“Lockheed Martin” F-35 “Lightning II” təyyarələrinə köməkçi missiya ləvazimatlarının çatdırılmasını nəzərdə tutan müqavilə imzalayıb.

Ordu.az xarici KİV-lərə istinadən xəbər verir ki, bu barədə ABŞ Müdafiə Nazirliyinin mətbuat xidməti məlumat yayıb.

Məlumata görə, 302 milyon dollarlıq müqavilə çərçivəsində kompaniya 12-ci istehsal dəsti ilə əldə edilmiş F-35-lərə köməkçi missiya ləvazimatları təmin edəcək.

Müqavilə üzrə işlərin ABŞ-ın Texas ştatındakı “Fort Worth” bölgəsində həyata keçirilməsi və 2021-ci ilin yanvarına qədər başa çatdırılması planlaşdırılır.

Ayrılan vəsaitin 109,7 milyon dolları ABŞ HHQ, 50,1 milyon dolları Dəniz Korpusu, 9 milyon dolları donanma, 102,3 milyon dolları Pentaqonun istifadəsində olmayan təyyarələr, 30,8 milyon dolları isə xarici hərbi satış üçün nəzərdə tutulub.

Ağalar Ağalarlı
Ordu.az

© Materiallardan istifadə edərkən hiperlinklə istinad olunmalıdır


Teqlər: Lockheed-Martin   F-35  


Bizi "telegram"da izləyin