Ordu.az xarici KİV-lərə istinadən xəbər verir ki, bu barədə rəsmi açıqlamanı Əfqanıstan Müdafiə Nazirliyinin mətbuat katibi Qafur Əhməd Cavid verib.

O qeyd edib ki, qiyamçılar ordunun vilayətin Qormaç şəhərində yerləşən bazasına geniş miqyaslı hücum həyata keçiriblər.

Məlumata əsasən hücum zamanı azı 17 hərbçi həlak olub, daha 19-u isə yaralanıb.

Bildirilib ki, ordu qiyamçıların şiddətli təzyiqinə tab gətirməyərək bazadan geri çəkilib. Hazırda hərbi baza “Taliban”ın nəzarətindədir.

Qeyd edək ki, bəzi mənbələrdə ölən hərbçilərin sayının 40-dan çox olduğu iddia edilir.

Dəyanət Ağalarlı
Ordu.az