Ordu.az xəbər verir ki, bu barədə “Anadolu” agentliyi məlumat yayıb.

Məlumata görə, görüş Hulusi Akarın Pakistan paytaxtı İslamabada səfəri çərçivəsində baş tutub.

Görüş Pakistan dövlət rəhbərinin rezidensiyasında bağlı qapılar arxasında keçirilib. Danışıqlarda həmçinin Türkiyənin Pakistandakı səfiri İhsan Mustafa Yurdakul da iştirak edib.

Pakistan prezident administrasiyasından verilən məlumata görə, görüşdə Türkiyə və Pakistan arasında münasibətlər müzakirə olunub, həmçinin regionda təhlükəsizlik, stabillik və inkişafın təminatının əhəmiyyəti vurğulanıb.

Qeyd edək ki, səfər çərçivəsində Hulusi Akar Hərbi Dəniz Qüvvələri və Hərbi Hava Qüvvələrinin komandanlığı ilə də görüşəcək.


Ağalar Qəribov
Ordu.az