Ordu.az Svpressa.ru saytına istinadən xəbər verir ki, bu barədə rusiyalı senator Aleksey Puşkov öz “Twitter” səhifəsində məlumat yerləşdirib.
“Tramp administrasiyası Pakistanla dalaşaraq ona sanksiyalarla hədə-qorxu gəldiyi müddətdə Çin orada özünün hərbi bazasını tikməyə hazırdır. ABŞ-ın Asiyadakı təsiri göz önündə azalır”, - deyə Puşkov bildirib.
Qeyd edək ki, rusiyalı senator daha öncə ABŞ-ın Rusiya və Çinlə bacaracağına şübhə etdiyini bildirirdi. Amerikanın yeni milli təhlükəsizlik strategiyasını isə Puşkov sosial şəbəkədə belə şərh edib: “Həm Rusiya, həm də Çinin əsas rəqiblər kimi elan edilməsi ABŞ-ın sülh yolu üçün yaxşı heç nə vəd etmir. Bu, güclü tandemdir – ABŞ onun öhdəsindən gələ bilməyəcək”.
Ağalar Qəribov
Ordu.az
