Ordu.az xəbər verir ki, bu barədə İsveçrə Xarici İşlər Nazirliyinə istinadən AFP agentliyi məlumat yayıb.
“Hazırkı mərhələdə imzalanma mərasimi iyunun 19-u cümə günü Bürgenştokda nəzərdə tutulur”, - deyə İsveçrə XİN-in açıqlamasında bildirilib.
Mərkəzi İsveçrədə, Lütsern gölünün yüksəkliyində yerləşən lüks kurort üç tərəfdən su ilə əhatə olunduğuna görə çətin keçilən ərazi hesab olunur və buna görə də mühafizəsi asandır.
Nazirliyin məlumatına görə, görüşün keçirilməsi üçün bu məkanı Pakistan və Qətərdən olan vasitəçilər, eləcə də ABŞ və İran təklif edib.
“İsveçrə bu prosesdə vasitəçi kimi çıxış edir və görüşün İsveçrə ərazisində keçirilməsi üçün zəruri praktiki və diplomatik şərait yaradır”, - deyə ölkənin Xarici İşlər Nazirliyinin bəyanatında qeyd olunub.
Razılaşma bir neçə həftə davam edən gərgin danışıqlardan və hərbi əməliyyatların yenidən başlanması təhlükəsindən sonra əldə olunub.
ABŞ-dən olan yüksəkvəzifəli rəsmilərdən birinin sözlərinə görə, çərçivə sazişi artıq elektron qaydada ABŞ Prezidenti Donald Tramp, vitse-prezident Cey Di Vens və İranın baş danışıqçısı, parlament sədri Məhəmməd Baqir Qalibaf tərəfindən imzalanıb.
Sevinc Əliyeva
Ordu.az
