Ordu.az xəbər verir ki, bu barədə “Reuters” məlumat yayıb.

Vyurtsburqda keçirilən katolik konqresində gənclər qarşısında çıxış edən Merts deyib ki, insanlar dünyanın vəziyyətinə həddindən artıq “fəlakət rejimində” yanaşırlar və almanları öz ölkələrinin potensialına daha nikbin baxmağa çağırıb.

“Dünyada xüsusilə gənclər üçün Almaniya qədər böyük imkanlar təqdim edən çox az ölkənin olduğuna qəti şəkildə inanıram. Bu gün övladlarıma ABŞ-yə getməyi, orada təhsil almağı və işləməyi tövsiyə etməzdim. Çünki orada qəfil fərqli sosial iqlim formalaşıb”, - deyə üç uşaq atası olan 70 yaşlı Merts bildirib.

O əlavə edib ki, bu gün Amerikada hətta ən yüksək təhsilli insanlar belə iş tapmaqda böyük çətinliklərlə üzləşirlər.

“Amerikanın böyük pərəstişkarıyam. Amma hazırda heyranlığım artmır”, - deyə Almaniya kansleri zalın gülüş və alqışları altında qeyd edib.

Xatırladaq ki, ötən ay Merts ABŞ-nin İrana qarşı müharibədə alçaldıldığını bildirmiş və bu açıqlama ABŞ Prezidenti Donald Trampın narazılığına səbəb olmuşdu.

Bir neçə gün sonra Vaşinqton Almaniyadan qoşunların qismən çıxarılacağını və Avropa İttifaqı avtomobillərinə tətbiq edilən gömrük rüsumlarının artırılacağını açıqlayıb. Almaniya isə bu sahədə güclü mövqeyə malikdir.

Sevinc Əliyeva
Ordu.az