Ordu.az xəbər verir ki, MKE sahədə uğurunu sübut etmiş BORAN haubitsasından əldə olunan mühəndislik bilik və təcrübəsini yeni platformaya daşıyaraq hazırladığı 105 mm URAN maşın üzərində yerləşdirilən haubitsanı ilk dəfə İFM-də keçirilən sərgidə nümayiş etdirəcək.
Türkiyə Silahlı Qüvvələrinin inventarına daxil olduqdan sonra qısa müddətdə ixrac uğuru əldə edən və 2024-cü ildə Banqladeşə həyata keçirilən təhvil ilə Türkiyə Respublikasının tarixində ilk haubitsa ixracı olmaq xüsusiyyəti qazanan BORAN haubitsası yüngüllüyü, qısa müddətdə atışa hazır vəziyyətə gətirilə bilməsi və hava platformaları ilə daşına bilməsi kimi xüsusiyyətləri ilə müasir əməliyyat mühitində effektivliyini sübut edib.
Bu əməliyyat təcrübəsi sistemin daha yüksək manevr qabiliyyəti və daha sürətli yerləşdirilmə ehtiyaclarına cavab verəcək yeni bir həllin hazırlanmasına zəmin yaradıb.
Bu çərçivədə hazırlanmış URAN BORAN-ın sahədəki etibarlılığı və atəş gücünü 4×4 mobil platforma ilə birləşdirərək ən çətin ərazi və hava şəraitlərində artilleriya bölmələrinə sürət, çeviklik və yüksək atəş dəstəyini eyni quruluşda təqdim etməyi hədəfləyir.
MKE tərəfindən hazırlanmış Atışa Nəzarət Sistemi inteqrasiya edilən 105 mm URAN silah sistemi dəqiqədə 12 atış həyata keçirə bilir və 18 kilometrə qədər hədəfləri uğurla vurur.
Müasir döyüş meydanının “vur-yer dəyişdir” konsepsiyasına uyğun olaraq hazırlanmış sistem xüsusilə sürətli reaksiya tələb edən tapşırıqlar üçün mühüm üstünlük təmin edir.
Sevinc Əliyeva
Ordu.az
