Ordu.az xəbər verir ki, bu barədə “Fox News” məlumat yayıb.

Məlumata görə, bu qərar İranın ABŞ gəmilərinə hücum etməsi və Birləşmiş Ərəb Əmirliklərinə raket və pilotsuz uçuş aparatları ilə zərbələr endirməsindən sonra gündəmə gəlib.

Rəsmi şəxslər bildiriblər ki, vəziyyət əvvəlki günlə müqayisədə daha da gərginləşib.

Qeyd olunub ki, yekun qərar ABŞ Prezidenti Donald Tramp tərəfindən veriləcək və ABŞ ordusu əməliyyatlara hazır vəziyyətdədir.

Bundan əvvəl CENTCOM rəhbəri Bred Kuper bildirib ki, “Azadlıq” əməliyyatı çərçivəsində ABŞ qüvvələri İranın altı hərbi sürətli katerini məhv edib.

ABŞ Müharibə Nazirliyinin nümayəndəsi qeyd edib ki, amerikalı komandirlər ticarət gəmiçiliyini qorumaq üçün bütün səlahiyyətlərə malikdir.

Onun sözlərinə görə, ABŞ qüvvələri təhlükə aşkar etdikdə zərbə endirmək hüququnu özündə saxlayır.

“Biz bu təhdidləri aradan qaldırmaq hüququnu saxlayırıq və ilk atəşi gözləmək məcburiyyətində deyilik”, - deyə o bildirib.

Sevinc Əliyeva
Ordu.az