Ordu.az xəbər verir ki, bu barədə CENTCOM məlumat yayıb.

Bildirilib ki, “Azadlıq” əməliyyatı çərçivəsində ABŞ qüvvələri ticarət gəmiçiliyinin bərpasına aktiv şəkildə dəstək verir.

“İlk addım olaraq ABŞ bayrağı altında üzən iki ticarət gəmisi Hörmüz boğazından uğurla keçərək təhlükəsiz şəkildə marşrutlarını davam etdirib”, - deyə açıqlamada qeyd olunub.

CENTCOM rəhbəri, admiral Bred Kuper bildirib ki, ABŞ qüvvələri qlobal ticarət axınını bərpa etməyə çalışır.

Onun sözlərinə görə, İslam İnqilabı Keşikçiləri Korpusu isə ticarət gəmiçiliyini qorxutmaq və təhdid etmək üçün addımlar atır.

Admiral vurğulayıb ki, ABŞ qüvvələri regionda ciddi hərbi üstünlüyə malikdir.

“Son 12 saat ərzində biz onlarla gəmi və gəmiçilik şirkətləri ilə əlaqə saxlamışıq ki, Hörmüz boğazından təhlükəsiz keçidi təmin edək”, - deyə o əlavə edib.

Sevinc Əliyeva
Ordu.az