Ordu.az xəbər verir ki, bu barədə “Mehr” agentliyi məlumat yayıb.

İrəvani BMT-nin Baş katibinə və Təhlükəsizlik Şurasının sədrinə ünvanladığı məktubda həmin ölkələrin bəyanatlarını qəti şəkildə rədd edib və İran əleyhinə hərbi əməliyyatlarda oynadıqları rola görə tam məsuliyyət tələb edib.

O, Qətər, Bəhreyn Krallığı, Birləşmiş Ərəb Əmirlikləri, Səudiyyə Ərəbistanı Krallığı, Küveyt və İordaniyanın irəli sürdüyü bütün ittihamları əsassız və sübutsuz adlandırıb.

İranlı diplomat bildirib ki, bu ölkələr mövcud vəziyyətin əsas səbəbini, yəni ABŞ və İsrailin İranın suverenliyi və ərazi bütövlüyünə qarşı həyata keçirdiyi qanunsuz hərbi hücumları qəsdən nəzərə almırlar.

Sevinc Əliyeva
Ordu.az